Tameddurt
Malek Haddad ilul ass n 5 Yulyu 1927 deg Qsentina, anda yeɣra leqraya tamezwarut d tesnawit. Yexdem kra deg uselmed, syin deg 1954 iruḥ ɣer Aix-en-Provence i leqraya n lqanun. Yeddar gar tira, tisɣunin, ihebdanen d rradyu.
Deg tallit n tmagit aɣelnawit, yexdem timahilin i FLN deg URSS, deg Maṣr d Hend. Mbeɛd timunent, yuɣal ɣer Qsentina, yessefrak asebter n tadlsa deg An-Nasr gar 1965 d 1968.
Idlisen d usatal
Seg Yebrir 1968 almi d Ɣuct 1972 yella d ameskar n tadlsa deg tmendawt n isalan d tadlsa. Yella deg usuddes n temlilit tadelsant tamezwarut n ugdud gar 31 Mayyu d 3 Yunyu 1968, yerna deg ufestibal afriqi amezwaru deg 1969. Deg Yulyu 1972 yuɣal d amcawar deg leqdic n usnadi d tira s tefransist.
Mbeɛd timunent, yebɣa ad yeḥbes tira s tefransist, acku tutlayt-a tettbɛid-it ɣef imeɣriyen-is "imeɣriyen n tidet". Idlisen-is d isefra-is qqimen deg umeslay ɣef tutlayt, tmekti d tira deg taskla tazayrit. Yemmut ass n 2 Yunyu 1978 deg Dzayer.
Idlisen yettwasnen
- Le Malheur en danger
- La Derniere Impression
- Je t'offrirai une gazelle
- L'Eleve et la lecon
- Le Quai aux fleurs ne repond plus
- Ecoute et je t'appelle