Tameddurt
Bachir Hadj Ali ilul ass n 10 Dujembir 1920 deg Lqesba n Dzayer. Yeǧǧa leqraya deg 19 n iseggasen, yerna yedda d Parti Communiste Algerien deg taggara n 1945. Deg 1948 yuɣal d amasay n tẓrigt n Liberte, send ad yettwaḥkem s sin iseggasen n lḥebs uqbel 1954.
Mi tebda tegrawla n useḥbiber aɣelnaw, yessefrak, akked Saddek Hadjess, "les combattants de la liberte", yerna yella deg umeslay akked FLN. Mbeɛd aneqlab n 1965, yessnulfa, akked Hocine Zehouane, tasuddest n tmagit n ugdud; kra n wayyuren kan mbeɛd yettwaṭṭef, yettwaɛeddeb.
Idlisen d usatal
Deg lḥebs yura L'Arbitraire, i d-yeffeɣ deg Editions de Minuit deg 1966. Lucette Hadj Ali tura belli tira n usefru-a tella deg Lambese ɣef lkaɣeḍ n tzeqqa, syin yettawi-tt-id deg lkaɣeḍ n sigaru deg yal rzu. Yekcem lḥebs d uḥbas deg uxxam almi d 1970.
Mi d-yuɣal ɣer tilelli, ikemmel leqdic-is n tmusni: yessefk-d timliliyin, yura imeskaren d yidlisen. Aṭṭan yesseḥbes-as tazmert-is i kra n iseggasen. Yemmut ass n 8 Mayyu 1991, maca isem-is yeqqim deg taskla d tmekti n tmagit tazayrit.
Idlisen yettwasnen
- Chants pour le 11 décembre
- Notre peuple vaincra
- Culture nationale et révolution
- L'Arbitraire
- Que ma joie demeure!
- Le Mal de vivre et la volonté d'etre dans la jeune poesie algerienne d'expression francaise
- Memoire-clairiere
- Actuelles Partitions pour demain
- Soleils sonores