perles du mal7oune!!

لله يا الشمعة سألتك ردي لي سآلي
واش بيك فالليالي تبكي مدى انت اشعيلا
*****
علاش يا الشمعة تبكي ما طالت الليالي
وش بيك يالي تتهيء لبكاك فكل ليالي
وعلاش كتباتي طول الديجال كتلالي
واش بيك يا لي ما رينا لك فلبكا امثيلا
علاش كتساهر داجك ما سهرو نجالي
واش بيك يالي وليتي من ذا البكا عليلا
وعلاش باكيا روعتي ناس لهوى امثالي
واش بيك يا لي تنصرفي بدرارك الهطيلا
علاش باكيا وانت فمراتب المعالي
واش بيك يالي فيك اوصاف العاشقين صلا صلة
وعلاش باكيا مدالك للباكي وسالي
واشبيك يالي ظاهر حالك حالة لى وحيلا
اذا نشوف لصفرارك يصفار لو خيالي
واذا نشوف دبلتك زادت لخاطري دبيلة
*******
سألتك بالله عيد لي اش جرالك
وعلاش باكي لمدا لك
واش كان قصتك واش نهوا داك
اش نهو داك باش رق خيالك
وكمن قامتك حنحالك
وتبات باكيا لحبابك وعداك
لي دون خفا احكي بما فدخالك
وروي قصتك نصغى لك
وانا قصيتي بها نتعداك
لو جيت يا الشمعة نحكي لك كل ما اجرى لي
تنسى غرايبك وتصغي لغرايبي طويلا
اذا باكيا من نارك نيران في ادخالي
عدات كل نار فذاتي وجوارحي عليلا
واذا باكيا باسقامك شوفي اسقام حالي
من قيس وارثو بعد فناه اسقام حب ليلى
واذا باكيا بفراقك مفروق عن اوصالي
وعلى الفراق صابر وش صبرني على لعقيلا
وانت منين جاك تحكي لي اولي وتالي
ما فارقة خليل بحالي ما فارقة خليلا
تقول باكيا عند خيام السمر والليالي
ولا على بطاح وما دار فمقام ليلى
ولا على فراق الي عشق حيها بحالي
عربان آمنوا بالمختار شحال من قبيلا
سللتك لله عيد لي ما اصابك …….. اش كان سبتك فمصابك
لي احكي خطابك وانا نصغاك
يستغرب من لا تحدثو بخطابك……. الغريم فاللغا يسطابك
ويجول في حديثك وجواب لغاك
لو كنت ذات شاكية بعذابك……… يرباوا بالدموع اهذابك
لو كان ليك تصرخي بلغاك
بلسان حالها قالت لياما اخفاك حالي
يكفاك يا السايل عن حالي حالتي وحيلا
في صولة العمالة كنت وكانوا لي رجالي
قبايل لجناح لا تحكي كيفها قبيلا
يشيدو بروج من لعمالة كل برج مالي
ويعمروا بروج من مواهب ربنا جزيلا
فيهوم كيحجبو كيف الملوك فالليالي
وايام الربيع يخرجوا للبطايح الحفيلة
طلاب جاو ا هزمو بالحامية ابطالي
تركوني بعد العز فحالتي ذليلا
وليت للعصارة شهدة صفاوا من امصالي
صابوه قوت ودوا للذات الفانية العليللا
ومن امصالي صفاو شماعي يا لي صغا لي
وحكايتي للقدام القصة باقيا طويلا
***************
اسايلني يتدبروا لمسالك ……… تركوا حشاي في هالك
لو كان من الهند قوامي تهلاك
داروني فتخوت زي ما يبدا لك ……. تبغي فقلبها عذالك
يتختوا حتى اسمتواو بلاك
وخرت من لتخوت لمهالك ……لقساوة الشموس كذلك
ذاتي يقصروا بهواجر وفلاك
وعلفتيل لفو توراقي يا لي صغا لي
وبلا هوادة شعلوا فمواسطي فتيلا
ومتون من اطرافي تنشيها بلا عوالي
ونلوحها على الحسكة قطرةصافية صقيلا
نتفكر لعمالة وتزيد افراقها نكالي
نتفكر القصرة ونعود قلايدي هليلا
نتفكر العصارة وهجير الشاردة قبالي
ونقول وادب بكاي على ما صار لي اقبيلا
يحق لي بكاي على الغربة ما وجدت والي
في مسلمين حبابي وسلامتي قليلا
شحال منهلاك جرى لي كيف ما نبالي
يا شوم ليعتي وبكايا وصادفت كل حيلا
شحال من عذاب جرى لي اما الشعيل تالي
هذا عشور فالواقع بيا غاية القتيلا
سال اهل الحضرة اذا فرقت ابطالك
وقبايل الجناح رجالك
راك مع ارجالن يزهاو معاك
بفنهوم يدركو ما يزها لك…… وعلى السرور نادى فالك
وديار كيراعيوا كما يرعاك
بيك يسهر فكل داج الحالك….. واذا ينصرف مشعالك
تدعي بالفراق ويقبال دعاك
تبات يا الشمعة تبكي وانت فشان عالي
وجدوك يا الشمعة فمجالس رايقة حفيلا
وتبات يا الشمعة ترتي فضريح كل والي
وفشحال من مقام يشعلوك اهل الوسيلة
وتبات يا الشمعة بين اهل المال والموالي
وعليك كيصرفو الاموال الطايقة الثقيلا
وتبات يا الشمعة فمساجد ربنا العالي
وعليك كيخرجو السلكات فليلة الفضيلة
وتبات يا الشمعة بين اهل الشرح والامثالي
وعليك تنشرح كتوب بازغة جميلا
وتبات يا الشمعة بين العشاق ولغوالي
وعليك كيشاهد الخليل محاسن لخليلة
نبغيك با الشمعة تبكي في الحرة الليالي
وانا على ذنوبي نبكي فمقام دار ليلى
ذكرني يا حبر اللغا بشعارك …… لي يخبروا بخبارك
يدريو من يكون سواي وسواك
ناري نحكيها لكم لعشور فنارك…… وسرارها تجي لسرارك
قصة من قصايص عشقك وهواك
فاش يجيوا يقلبو دينارك…… من خالص الذهب عيارك
يخفى على الذي ما داواه دواك

naker le7sene...

سير يا ناكر الاحســان****ليام مشيت وراك بالقهر
و يبان البرهــــان****فيك يا من خان حبيبه
****
ما صبرني للتيهـــــان****غير نكايد و نزيد في الصبر
و عقيلي حيــران****شاكي من حر لهيبه
طول دجايا سهـــران****و قايبي بالزفرات ينعقر
ولـّيت كما اليرقــان****جرحي ما صاب طبيبه
لو نكمي سرّي يبــان****بعد خفيته يا لايمي ظهر
ركـّبت القومــان****عن سرّي بعد حجيبه
و انت قلبك حقــدان****ما شفك حالي زايد النفر
بشروط التيهـان****فعلك مازال تصيبه
****
عاشرتك بالصدق و الوفاء****و اللّي قي راك عارفه
و انت مني رايد الجفاء****مو انا وعدي كانصرفه
خفت عليك ياشارد العفاء****من دنبي بغيا تصادفه
ما يلقاك آمان
من تغرادي عل ساير العمر****و كثير الخثلان
ما يطلع عقبة ديبه
كيف يمنع العشران****من طيبه بين الناس ينشكر
ما يغدر لوكان****في الوكر معاه طليبه
شفبك ماشي زربان****غرّوك أهل الفيش و الفجر
من لا ليهم شان****غفي نهار الضد يغيبو
لاكني سير و كان****لابد كثير الجهد ينكسر
من بعد الذيدان****سيسان الغدر يريبو
****
كنت نضنك صاحب العقل****ما ترضى برفاقة الغشام
غرّوك أهل الفيش و البخل****من لا ليهم صولة و لا كلام
و تجبرتي ناقص الفعل****و جازيتيني بلا خصام
في غراد العديان
جزتيني يا صابغ الشفر**** و غواك الشيطان
مثلي محال تصيبه
لو جلت في البلدان****و تسالي البادية مع الحضر
ما توجدي إنسان****مثلي سخي بنصيبه
نفادي بالسلوان****ببساط العز و غاية الفخر
بوجود المزيان****و كل ما قال انجيبه
ما يقهرني خسران****راخي طرفي قدّام من حضر
نسخى بالتمام****في حق الزين نهيبه
****
ما يسلك مناهج الهدا****منه كيفك خارج الحدود
من ينصرك محال تنفدا****من حر الهجران مع الصدود
بي غير شفاية العدا****و كلام الحسّاد مع العقود
من درتيهم صدقان
سمحتي في يا خايب الطـّبع****في غراد الرقبان
و القلب كميت لهيبه
زدتي قلبي نـــيران****و انت هايم ما جبتلي خبر
قلبك حين اشيان****رجع قطران حليبه
كي قالو ناس زمــان****من دار الشر يموت بالغدر
و اللـّي جاد يبان****من دار الخير يصيبه
قبلك فاتو شبّــــان****ما دامت ليهم حالة الصغر
غير فلان فــلان****كبرو و ضحاو يشيبو
****
سير يا جافي من جانبي دفـع****ما باقي في خصامنا رجوع
فيك سمحت يا خايب الطبع****حين تبعتي لامة الفزوع
ما فيها طيبة و لا نــفع****عشرتك يا باخي السلوع
و ليا كنت شيهان
ركبتك يوم الحر المشتهر****قدّام الفرسان
و اليوم لغيت ركيبه
و ليا كنت بستـــــان****غنمنا حسن الياس و الزهر
و جنينا الاغصـان****و ثمارك قبل يطيبو
و ليا كنت مزيـــان****دوزت معاك أيام تنشكر
و شفـّيت بالاعيـان****في جمالك قبل يخيبو
ليام إلا تزيـــــان****تبني بنيان يشيد القصر
بزجاج و طيــقان****و النقش على ترتيبه
ليام إلا تشــــــــيان****كتكسف ضي الشمس و القمر
بعجاج و دخــّان****و نجوم الليل يغيبو
العفو بيد الرحمان****نجّاني منك شامخ القدر
نسعاه الغفران****لابد يهون صعيبه
قال فصيح العنـــوان****من دازك دوزه لازم الوقر
ما حده فقعان****بغيا عز اجنيبه
خوذ رقايق الاوزان****شغلة نجّار الفايز الحبر
رسّى عل العقيان****هذا هو ترتيبه

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.



القسم الأول:



قال يانا سيدي العمدة على العاشق الكاوي كيفي بنار لبنات

مهما إقول بردت نارو و اطفات حين ينظر حسن الخودات

كيراها زندت و اكدات حتى عاشق مسكين ما اسطاب امنام و لا قوت

غير كيشاهد لبنات كيشاهد ببان الموت.

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم الثاني:

قال يانا سيدي قولوا لالة غيثة رانا بيك كنستغاث

روفي على افريد اهواك و غيثيه يا للي بهواك املكتيه لاش على لجمار ارمتيه

رحميه بقبلة يا الغالية قبل إفوت الفوت، ياك اتعرفيه اعبيد عندك موروت

حاضي شرط الأدب ليس يرثى، ارضاه في ارضاك، وهو قوتو مع احياتو

و انت بتيهك امواتي، حَسَنْ صورتك لكن زايد يا الريم، تمريت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم الثالث:

قال يانا سيدي يا ذرة لغوالي، حبك و اهواك ساكن الذات

الذات فانية ما تقوى للتيه، و لعقل بجمالك حزتيه بالبها و الزين املكتيه

بظرافة و لطافة مع لباقة و اعقل مثبوت، الطيبة و التمييز و الحيا و الزين المنعوث

ما كيفك غيثة يا الريم غيثة. اعويثقة البيقة من شافك تاخذي بذاتو

و أنتِ السالبة ذاتي بشهادة لقديد و الوفرة و لجبين و التيت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم الرابع:

قال يانا سيدي يا قد خيزرانة تتمايس بالهوى في دوحات، وُلاَّ اغصين من الريحان احكيت

أو راية حاملها ليث من ابطال بني عبس اعنيت، اظهر و انبا يوم اللطامبها ما بين ليوث

الغرة نسري في اصباح و اظلام الليل اثيوت، واجبين إحير من راه حتى تحساب دون شك البدر أُوصافو مع انعاتو

ديما في ليلة امباتي انغني على الشمع بنوارو و اعليه ما استغنيت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم الخامس:

قال يانا سيدي غرة امثيل زهرة لاحت بين النجوم ضوات

واقواس ذوك لحواجب ليس اخفات و لعيون اعوالي جعبات

دون خمرة سكرت و اسهات في علم السحر اتقول عنها ياك اروى هاروت

الورد إظل إقول للخديد ياك احنا خُّوت يكذب هو ما بنهم شتَّى

الخد خير و اسيوف الهند ظللات و الخال زاد تمراتي

نقطة عنبرية في النار و الثلج هكذا ريت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم السادس:

قال يانا سيدي عجب لعجوب هذا و النار اكدات على الوجنات

النار في الخدود و اقلبي حرقا تحرها في احشاي امورط، الثغر بالدر امنبت

و لمعطيس كابرني، و الصوت عذب فاق الكوثر، وُ افضل من الصهبا لمعتقة أو تقول إفوت

و الجيد حسن من جيد كل خنثى، ولد لغزال إضيل من طلاب شوشاتو

هو اسباب تشتاتي عتنون و الغيبة هلات قوس لهلال شكيت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم السابع:

قال يانا سيدي درعان كصوارم في احجاب من الثياب نحضات

وُلاَّ ابروق تحت الحلة شارت و لمعاصم مهما نالت تيهوا لعقل و حارت

اكفوف احريرية كما اهوات و اقضات بشنوت

وَ الصدر ارويض حارسو اميقظ ما هو مشمو تحاضي تفاحو ما ارضى بشمتة

وِ قول من يملك شي تفاح إماثلو إهاتو، مدرى اتراه مقلاتي وَ انعض فيه عضة و انقول من لمحاين ابريت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم الثامن:

قال يانا سيدي و اتفيفحات رفعوا لقميص ابحال شي لويمات ما احلى امنين قالوا هانا طليت

في اخْيار الهنون و جيت جاح عقلي وافنيت، البطن و الصرة زاهية احكيك عاجي مثبوت

و الخصر اتقول اشكيت لو بهم التيت المبثوث، لكن افهمتو ما اقوى لمرثى

لرداف هالت و مالت بثقلها وُ مرتاتو و اعيى بذْ لحمل عاتي

و افخاض صافية ترضاني و الساق بيه نكويت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

القسم التاسع:

قال يانا سيدي و الساق كاس بلاَّرْ وُ روح الذات بيه نسقات

من خالص لَمْدَامْ الصافي و اروات

و لقدام امثيل ارنجات يا ترى حين امشات وُ جات مشية تحلف إلا احميمة بالتيه وُ لبهوت

ظبية تصطاد إلى اتمايلت ليوث ، و اللي صدفاتو ما إصيب فلتة

إقول ماينا وِ اطلب ارضاها إلى اجفاتو، و ذوق كاس نشواتي وِ ميل كيف ملت بحب اشراب لهوى وُ غنيت

اللازمة: قولوا لالة غيثة مولاتي جود بوصالك على لعشيق يا أم الغيث

قولوا لالة غيثة مولاتي.

انكيت لامة احسودي و اعداتي، طعت لبها و اجميع الليمين عاديت، وُ فاحالة لغرام اجعلت احياتي

اهجرت ناسي وُ اقنعت باللي اهويت و ارضيت، و ارضاني أُوصيف امع زلاتي

و اجمعت بيه شملي امع تشتاتي، اجعلت العذرا في محراب لهوى وُ صليت

وُ امطارب لخمر تركع لصلاتي، و الشنع يتخشع بمدامعه في تشتيت

وُ أهل لهوى إغنيوا بمايتي، وُلوثار إجاوب عن طيب ذاك لحديث، و أنا على الرضى نغنم لذاتي

كنبندق وُ انقول إلى انطقت وُ ادويت أللالة اغويثة كاسي هاتي

من المرشف نشرب هذاك غاية الغيث، اللالة في وجْناتك جنتي

يا امشيمم لعواثق يا ثرية البيت ما احلة امنين تظلي وُ اتباتي

سالية و الخاطر هاني دون تشتيت، باقي انمجد ابهاك في ابياتي

عاد وجهت افكاري في لمديح و ابديت وُسلامي على الشرفا سادتي

من ادريس بن على في ما اجنيت وُ اعصيت نطلب خالقي يمحي سياتي

وُ لا إواخذني مولاي فشاين اخطيت